Mario Regueira: Benvido á Blogaliza!

A principios de mes O porto dos escravos ubicouse en terras blogalegas. Porque o mar é sempre o mesmo e o porto desde o que exploramos necesariamente nómade. Aliás, non dubido que precisemos por estas latitudes un espazo para escravos onde poderen observarse como tais uns aos outros e atinxir algún día a estratexia dun destino libertario. Tantos aínda a loitarmos por liberdades básicas…

Mario Regueira é sen dúbida un dos nomes de referencia na literatura galega deste inicio de século, o que non deixará de producir máis e máis ecos conforme a súa obra continúe a irradiar luz. Así vemos o seu talento, así a forza do seu discurso. Paralelamente ao porto de referencia, máis dous espazos albergan o froito da súa pluma: Blues da crescente e Dor Fantasma.

Chuzame! A Facebook A Twitter