Tati Mancebo falará de ferramentas web no Culturgal

CulturgalA nosa colaboradora Tati Mancebo proporá aos asistentes un percorrido interactivo através de varias ferramentas web útiles para o profesorado, nunha das intervencións participativas que a caracterizan.

Será dentro da “xornada de difusión e formación FERRAMENTAS TIC E MULTIMEDIA NAS AULAS, UNHA VISIÓN PRÁCTICA, que achegará aos profesionais do sector educativo o sábado 1 de decembro, de 10h a 19h, unha serie de experiencias no uso práctico e real de ferramentas TIC e contidos multimedia pensados para as aulas.” {Foro Culturgal}

Chuzame! A Facebook A Twitter

Tati Mancebo conversará con Valentín Carrera en Fene

Tati Mancebo: «O xoves 24 ás 19:00 terei o pracer de conversar con Valentín Carrera sobre Riosil, a novela con que gañou o Premio Blanco Amor en 1990. Mar, peixe, patróns, mariñeiros, pescantinas e o vento a zoar bravo. Ficades todos/as convidados/as á tertulia. Será na Biblioteca Municipal de Fene
Chuzame! A Facebook A Twitter

Tati Mancebo falou do libro electrónico no primeiro “café literario” da Coruña

«As actividades da Festa do Libro que ten lugar nos xardíns de Méndez Núñez entrecrúzanse coas programadas baixo o lema “A cidade que le” . A este último pertence a recuperación dos cafés literarios en distintos locais da cidade, o primeiro dos cales tivo lugar onte á noite na Postrería, coa participación da escritora Tati Mancebo. O libro electrónico centrou a conversación dos asistentes, entre os que se atopaba a concelleira de Cultura, María Xosé Bravo, ademais de persoas das bibliotecas municipais.

“As cousas sempre se fan porque se poden facer, como se fixo non seu día a clonación, e por iso ou mellor é prepararse”, apuntaba a escritora, que acudiu cun libro electrónico. Ademais de iniciativas que xa están a pór en marcha en Galicia a impresión baixo demanda, Mancebo destacou que o que está a ocorrer co libro electrónico é algo similar ao que ocorreu coa música coas descargas gratuítas en Internet, “e mirade ou tempo que levan con iso sen que o teñan arranxado”. Neste sentido asegurou que o modelo do negocio editorial está a cambiar [...]. Ademais dos dereitos de autor, a escritora apuntou que o libro electrónico suporía un notable cambio nas bibliotecas, que pasarían a ser un punto de encontro “para ver e comentar o que está lendo outra xente”. Sobre estes centros indicou que en varios países europeos “están pechando as bibliotecas por problemas de espazo”. [...]» (La Voz de Galicia)

Chuzame! A Facebook A Twitter

“Comunicar cultura”, ou o futuro dun país

Mañá, martes 20 e ás 18:30, participarei na mesa “Comunicar cultura nos medios III”, xunto con Roberto Noguerol, Ana Romaní e Manuel Gago. Estarei polo Consello da Cultura Galega desde cedo, para tirar o máximo proveito dunha convocatoria tan apetecíbel. Pode consultarse o programa completo aquí.
«A comunicación ocupa un lugar central na configuración dos novos modelos de sociedade e, por tanto, tamén nas transformacións no campo cultural. Comunicación e Cultura son aspectos da mesma realidade social que dificilmente podemos separar. Nestes últimos anos a alianza entre cultura e comunicación converteuse nun eixe estratéxico para xerar produtos creativos, para fomentar o intercambio de puntos de vista e para incentivar a participación cidadá en todos os ámbitos da vida diaria. O panorama actual amosa oportunidades para que, mediante o emprego das ferramentas axeitadas, poidamos converter vellos soños de renovación no campo da comunicación e da cultura en realidades. A comunicación mediada tecnoloxicamente, como elemento transversal para a cultura, convértese nun instrumento clave nos procesos de difusión e creación para uns cidadáns cada vez máis esixentes. De feito, a cultura encóntrase no centro da maioría dos debates contemporáneos sobre identidade, tolerancia e convivencia en igualdade. Hai, por tanto, apaixonantes desafíos pensando a comunicación desde a cultura.

Estas xornadas de traballo, enmarcadas nos foros de debate que promove e organiza o Arquivo de Comunicación do Consello da Cultura Galega, queren achegar reflexións teóricas e prácticas, potenciar o coñecemento e fomentar o debate. Será un encontro aberto con voces plurais para procurar ideas neste proceso de análise e debate colectivo, con especial atención ás renovadas técnicas para comunicar cultura no ecosistema mediático do terceiro milenio. [...]» (Consello da Cultura Galega)

Chuzame! A Facebook A Twitter

IV Encontro de Nov@s Escritor@s: primeiro virtual, logo no castelo medieval

O IV Encontro de Nov@s Escritor@s da AELG chegará ao castelo de Sta. Cruz (Oleiros – A Coruña) cos deberes feitos: aínda que se celebrará en presenza do 20 ao 21 de novembro, xa levan os relatores semanas avanzando nos contidos desde a rede. Primeiro foron as intervencións preliminares dos membros das mesas, anticipando as súas teses; logo chegaron os comentarios que a xente do blogomillo lles propuxemos. Deste modo os temas a tratar chegarán xa destilados ao encontro final, podendo as conclusións  virarse reflexións máis depuradas, e portanto máis úteis.

Ao mesmo tempo, en lugar de ofrecernos ao final un tixolo en papel que só algúns desfrutan na súa man, os materiais perdurán sao alcance de todos nun espazo que a AELG disponibiliza na súa ansia de manter referentes de altura sobre a literatura e a cultura do país.

[kml_flashembed movie="http://www.youtube.com/v/Rl7GdJauz_8" width="425" height="350" wmode="transparent" /]

Chuzame! A Facebook A Twitter