Mai

8

Tempos Novos na Rede en casa propia

Maio 8, 2008 | Leave a Comment

Celebro emocionado que a Tempos Novos se teña lanzado tamén en formato electrónico, algo moi necesario nestes tempos de indubitábel axilidade comunicativa. Ademais, o invulgar suplemento de letras da revista, o Protexta, que aquí tamén se poderá consultar, vén de comezar un périplo novo desde o número 05, cando foi distribuído de graza con todas as cabeceiras do Grupo La Capital (El Ideal Gallego, Diario de Arousa, Diario de Bergantiños e Diario de Ferrol) agás DXT Campeón. Así as cousas, consegue atinxir os 60.000 exemplares e voar para uns 120.000 leitores potenciais. Sen dúbida un salto cuantitativo na súa divulgación que a súa cualidade merecía.

A. F.

Chuzame! chuzame -

Abr

27

As armas miraculosas de Aimé Césaire

Abril 27, 2008 | 6 Comments

«Aimé Césaire, importante poeta da língua francesa e um dos mais preclaros pensadores do chamado Terceiro Mundo do século 20, após uma agonia de mais de uma semana, morreu na quinta-feira, 17 de abril, em Fort-de-France, capital da Martinica, sua ilha natal.» Así comezaba Nancy Morejón no Granma un artigo sobre este poeta que, se non fose porque o amigo François Davó −amigo de vello da poesía surrealista− me tiña presenteado un seu livro hai anos (Les armes miraculeuses, Gallimard, 1970), podía eu terme perdido aínda hoxe algúns dos seus versos máis impactantes: "Je profère au creux ligneux de la vague infantile de tes seins le jet du grand mapou / né de ton sexe oú pend le fruit fragile de la liberté".

Hoxe, mexendo un bocadiño na ideoloxía do poeta comprometido do Caribe, máis un achado podo mostrar no blogue, interesante sen dúbida para algúns dos nosos lectores pola visión que ofrece no que di respeito da relación lingua-literatura-colonialismo:

CONSCIÊNCIA NEGRA (1)

"No que me diz respeito [como itinerário cultural] parti da cultura dominante em minha época: a cultura européia (2). Graças a meus contatos com a França (3), apliquei essa cultura. Como todos da minha geração, li Gide, Proust e Breton (4)...Mas acrescentei, por exemplo, Frobenius [etnólogo africanista alemão] (5), para andar mais depressa.

"O que temos em comum [ele e Senghor, poeta e estadista senegalês] é a recusa obstinada de nos alienar, de perder nossos laços com nossos países, nossos povos, nossas línguas. Quanto a mim, aliás, o que em grande parte me preservou culturalmente foi o contato assíduo com africanos (6). Este contato serviu de contrapeso à influência da cultura européia (7). [...] Assim como ele, fiz tudo para assimilar e não ser assimilado. Nós dois [...] queremos por as 'armas miraculosas' a serviço de nossos povos".

(Texto de Aimé Cesaire, poeta e político nascido na Martinica em 1913. In Entrevistas Le Monde: Civilizações: São Paulo, Ática, 1989, tradução de Sérgio Flaksman)

Para finalizar, son capaz de recoñecer de que modo concordei coa ideoloxía de Cesaire mostrando o exercicio de mutación que realicei sobre o texto precedente. Quen tiver vontade de seguirme no paralelismo que atopei co meu propio caso só ten que substituír as palabras subliñadas acima seguindo as indicacións numéricas correspondentes. Así, o subliñado debería substituírse por: (1) GALEGA; (2) em castelhano; (3) minha experiência como espanhol; (4) Cervantes, Góngora e a Geração de 27; (5) Cirlot ou Octavio Paz; (6) portugueses; (7) espanhola.

A. F.

Chuzame! chuzame -

Abr

23

No día internacional do libro

Abril 23, 2008 | 4 Comments

No día internacional do libro quero declarar que levo case un mes sen escribir no blogue por ter dedicado o pouco tempo de que dispoño a ler libros convencionais. Voltei aos poemas impresos en papel e vin que algúns deles xa van máis amarelos do que podía supoñer. Outros escancháronse a causa da cola avellentada de edicións modestas; os máis vellos parecéronme anciáns venerábeis, enrugados e febles, curados como un sabor humano na montaña do Amor.

Celebro ter dado con este suporte dixital inestimábel, este das solícitas teclas, mais nunca abandonarei o erótico aloumiño das páxinas ao bordo da alerxia aos ácaros. Aos ácratas ácaros que se alimentan dos tesouros empapelados do pensamento.

A. F.

Chuzame! chuzame -

Mar

28

A Coruña somos moitos, e aínda cabemos máis

Marzo 28, 2008 | 1 Comment

Como xa dixo o compañeiro Martin Pawley, hoxe é o grande día. Remítovos ás súas palabras porque eu non son capaz de escribir. Ouvo os ensaios, vexo as faces e escoito do Gran Can que existe neste país unha creatividade asombrosa que o fai gozar día após día. E unha música sobre outra música fanme danzar por dentro.

Chuzame! chuzame -

Mar

21

“Poesía difusa”, poesía cantada e poesía apañada do chao no Día da poesía

Marzo 21, 2008 | Leave a Comment

En primeiro, unha mostra de novos formatos para o xénero que abren fantásticas perspectivas creativas:

En segundo, un video que me transporta aos primeiros tempos na escritura, cando por primeira vez na vida as aborrecíbeis tardes de domingo pasaron a transportar a experiencia do que debeu ser unha aproximación da plenitude:

E no final, unha delicatessen poético-plástica:

A. F.

Chuzame! chuzame -

Mar

19

Sobre a triloxía “Evanxélica memoria”, de Xavier Alcalá

Marzo 19, 2008 | Leave a Comment

A noite acesa de Xavier Alcalá

"Eu cando vexo isto digo:
canto amor e canto odio"
M. Molares (testemuña)

Xavier Alcalá na súa casa da Coruña - Fot. de Alfredo FerreiroA finais dos 90 don Manuel Molares Porto, ancián da igrexa de Ares, contactaba con Xavier Alcalá para comunicarlle o interese da comunidade evanxélica en publicar a heroica xesta que viña de protagonizar no século XX. Procuraban un rapsoda inspirado que elevase o seu pasado recente a rango de arte, para facilitar deste modo a lembranza e a reflexión sobre os esforzos tamaños que só pola fe inquebrantábel no Amor tiña logrado realizar a comunidade. Os acontecementos do pasado, convertidos en literatura, pasarían de ser reais a seren verdadeiros. Porque a Verdade, inapreensíbel racionalmente dos infinitos puntos de vista que a completan, só pode ser mostrada integralmente da perspectiva artística. Ler máis

Chuzame! chuzame -

Mar

17

Dicionario do estremecemento, de Miguel Anxo Fernán Vello

Marzo 17, 2008 | 1 Comment

O blues do estremecemento

Dicionario no aspecto externo, pois os poemas son titulados tan só con isoladas palabras a modo de listaxe lexicográfica ("Confusión", "Nai", "Poetas", "Paciencia", "Río", "Pel", "Civilización"...), no seu interior un rico imaxinario respira nunha reflexión humanista de grande fólego. As contradicións da experiencia vital que perturban o ser humano maniféstanse largamente no poemario como caos universal: a luz face á sombra, o lume face á auga, o silencio face á voz... Un eterno designio: "Estamos condenados / ao doloroso labirinto / de vivir."

Mais esta condena non é o destino real, senón o aguillón con que a vida nos obriga a enfrentar o reto do coñecemento. No poemario de Fernán Vello múltiplas son as orixes do "estremecemento", mais só unha a reacción positiva perante as continxencias: "a brasa que nos fai vivir" debe conducirnos a unha procura gnóstica, é dicir, á fórmula revelada en que a calor cósmica que posuímos nos outorgue luz: "Mais seguimos á procura de nós mesmos, / da palabra perfecta que nos salve / e que invada o mundo." Ler máis

Chuzame! chuzame -

Mar

12

O xiro postal, de Ousmane Sembène

Marzo 12, 2008 | 5 Comments

O vindeiro mércores 12 de marzo ás 20 horas na sala de prensa da Fundación Caixa Galicia da Coruña (no edificio dos Cantóns) preséntase o libro O xiro postal, de Ousmane Sembène.

Acabo de rematar de ler O xiro postal, por recomendación de Martin Pawley, bo amigo e epiloguista da novela. Gostei inmenso, porque é a primeira historia sobre negros, si, é unha novela sobre negros, que leo escrita por un negro que, ademais non ten interese ningún por ser branco porque iso non fai sentido que marque ningunha direfenza, o asume con perfecta naturalidade. Ler máis

Chuzame! chuzame -

Mar

10

Por fin A Coruña soa como nos nosos soños!

Marzo 10, 2008 | Leave a Comment

Despois de moitas vicisitudes e dous anos de traballo, aquela creatividade que naceu nas nosas mans de axentes culturais principiantes está a dar o froito desexado. O proxecto naceu na nosa casa, sen máis fundamento que a inspiración e a confianza en que as cousas ben feitas atopan o seu momento necesariamente. Isto, claro, xunto cun coñecemento da discografía do Gran Can que o erixía no portador do talento que precisabamos para xuntar os ingredientes de arte integral, intelecto, versatilidade e un espírito que entende o popular como cerne da cultura mellor acabada. A rúa e o conservatorio de música construídos coa mesma pedra. Ler máis

Chuzame! chuzame -

Mar

3

Sobre os soportes literarios, Alberto Vázquez-Figueroa

Marzo 3, 2008 | Leave a Comment

«peticion de novelas

No me es posible colgar todas mis novelas en la red, pero quien desee alguna no tiene más que enviarme su dirección de correo electrónico y la recibirá gratuitamente siempre que sea para su uso particular. Aun no dispongo de “Tuareg”. “Icaro”, “Centauros” y alguna otra mas.

Fijado por VazquezFigueroa | Comentarios (55)»

Chuzame! chuzame -